कैलाली र अछाममा दुई जना मृत अवस्थामा फेला परेका छन् । कैलालीको लम्कीचुहा नगरपालिका–२ स्थित कच्ची घरमा डेरा गरी बस्ने धनगढी घर बताउने ३६ वर्षीय विशाल बुढाथोकी मृत अवस्थामा फेला परेका छन् ।

घटना शंकास्पद देखिएपछि अनुसन्धानका लागि विशालसँगै बस्ने एक जनालाई स्थानीय वनमा लुकी बसेको अवस्थामा प्रहरीले नियन्त्रणमा लिएको छ ।

अछामको तुर्माखाद गाउँपालिका–१, रहफस्थित कर्णाली नदी किनारमा दैलैखस्थित भीमढुंगा कन्ट्रक्सन प्रालिका टिपर चालक नुवाकोटको शिवपुरी गाउँपालिका–६ घर भएका २६ वर्षीय सतिश तामाङ मृत अवस्थामा फेला परेका छन् ।

जेठ १९ गते दैलेखको टुनिबगरस्थित कर्णाली नदीमा नुहाउने क्रममा बेपत्ता भएका उनको खोजी गर्ने क्रममा कर्णाली नदीको किनारमा शव फेला परेको प्रहरीले जनाएको छ ।