साँफे–मार्तडी सडकखण्ड अवरुद्ध हुदा बाजुराका नागरिकहरुले सास्ती खेप्नुपरेको छ। अवरुद्ध भएको दुुइसाता बितिसक्दा पनि सडक सञ्चालनमा नआएपछि नागरिकलाई सास्ती भएको हो।

लगातारको बर्षाले सडक अवरुद्ध सडक खुल्न नसक्दा यातायात सेवा ठप्प बनेको छ। यातायात बन्द भएसँगै दैनिक उपभोग्य लगायतका सामानको मुल्यमा समेत बृद्धि भएको स्थानीय हंश बहादुर सिंहले बताए। उपचारका लागि जिल्ला बाहिर  जानुपर्ने बिरामीहरु पनि समस्यामा परेको उनले बताए।

जेठ २८ गतेदेखि सडकखण्ड अवरुद्ध बनेको थियो। सडक अवरुद्ध हुदा मार्तडी, बाजुराको उत्तरी क्षेत्र हुम्ला र मुगुका स्थानीयहरु मारमा परेका छन्। अवरुद्ध सडक खुलाउन काम भइरहेको बाजुराका प्रमुख जिल्ला अधिकारी गोपालप्रसाद अधिकारीले बताए। एकदुुई दिनमै सडक सञ्चालन आउने उनले बताए। बर्षातले बाजुराका अन्य ग्रामिण सडक पनि अवरुद्ध बनेका छन्।