सेती प्रादेशिक अस्पतालमा गरिएको कोरोना परिक्षणमा थप २८ जनामा संक्रमण पुष्टि भएको छ । पछिल्लो २४ घण्टामा ९३ नमूनाको कोरोना परिक्षण गरिएकोमा २८ नमूनामा कोरोना पुष्टि भएको हो ।

अस्पतालका सूचना अधिकारी दिलिप कुमार श्रेष्ठका अनुसार अस्पतालमा पछिल्लो २४ घण्टामा थप ६ कोरोना संक्रमित उपचाररका लागि भर्ना भएका छन । हाल सेती अस्पतालमा १७ कोरोना संक्रमित उपचाररत रहेका छन । जसमध्ये ४ जनाको आईसियु र २ जनाको भिन्टिलेटरमा उपचार भईरहेको अस्पतालले जनाएको छ ।

कोरोना संक्रमितका लागि १९ जनरल वेड, १६ आईसियु वेड, ५५ एचडियु वेड र ४५ ईमर्जेसी वेड रहेको अस्पतालमा दोश्रो लहरको कोरोना फैलिएयता हालसम्म १ हजार २ सय ६० जनाको उपचार भएको छ । जसमध्ये १ हजार ६३ जना निको भएका छन भने १ सय ८० जनाको मृत्यु भएको छ ।