सुदूरपश्चिममा मंगलवार थप ११ जनामा कोरोना पुष्टि भएको छ । धनगढी स्थित प्रयोगशालामा गरिएको परिक्षणमा १० जना नेपालगंज मेडिकल कलेजमा गरिएको परिक्षणमा एक गर्भवतीमा कोरोना पुष्टि भएको हो । मंगलवार पुष्टि भएका मध्ये ७ जना कैलालीका रहेका छन् । 

मंगलावार कैलाली टीकापुर नगरपालिकाका ४०, २३, २४, ३७ बर्षका पुरुष, मोहन्याल गाउँपालिकाका १७ बर्षीय किशोर, धनगढी उपमहानगरपालिकाकी २८ बर्षीया महिला र २ बर्षीया बालिकामा कोरोना पुष्टि भएको छ । सोमवारसम्म कैलालीमा संक्रमितको संख्या ५२ रहेको थियो । मंगलवार ७ जना थप भएर जिल्लामा संक्रमितको संख्या ५५ पुगेको छ । 

कैलालीमा सबैभन्दा बढि गौरीगंगा नगरपालिकामा २० जनामा कोरोना संक्रमण देखिएको छ। यस्तै धनगढी उप–महानगरपालिकामा ११ जना, जानकी गाउँपालिकामा ९ जना, टीकापुर नगरपालिकामा ८ जना, लम्कीचुहा नगरपालिका २ जना, भजनी नगरपालिका, गोदावरी नगरपालिका, घोडाघोडी नगरपालिका, मोहन्याल र बर्दगोरिया गाउँपालिकामा एक/एक जना कोरोना संक्रमित भेटिएका छन् ।

संक्रमित मध्ये हाल सम्म नौँ जना निको भएर अस्पतालबाट घर फर्किसकेका छन् । प्रदेशकै पहिलो पटक चैत १४ गते कोरोना संक्रमण देखिएका धनगढी उप–महानगरपालिका वडा नम्वर ५ का ३४ बर्षीय पुरुष, त्यसपछि चैत २२ गते धनगढी उप–महानगरपालिका वडा नम्वर ५ की ३४ बर्षीय महिला, लम्कीका २१ वर्षीय युवक र  बैशाख १ गते संक्रमण पुष्टि भएकी लम्कीचुहा नगरपालिका वडा नम्वर १ की ६१ वर्षीय महिला कोरोनाई जितेर घर फर्किसकेका छन्। जानकी गाउँपालिकाका ५ जना पनि कोरोनालाई जितेर डिस्चार्ज भएका छन्। 

अन्यको सेती प्रादेशिक अस्पताल, टीकापुर अस्पताल, महाकाली अस्पतालको आईसोलेसन वार्ड र सम्बन्धीत क्वारेन्टाइनमै राखेर उपचार भइरहेको छ। यस्तै धनगढीकी ५५ बर्षीय संक्रमितको मृत्यु भइसकेको छ। कैलालीपछि कञ्चनपुरमा ३३, अछामका १६, डडेल्धुरामा १५, दार्चुलामा १२, डोटीका १०, बझाङमा ७, बैतडीमा ६ र बाजुराका तीन जनामा कोरोना पुष्टि भएको छ।