धनगढीमा दुर्लभ रेड पाण्डाको छालासहित २ जना पक्राउ परेका छन्। प्रहरीले कैलालीको धनगढी उपमहागरपालिका–४ स्थित बोराडाडीमा रहेको पण्डित वर्कशपबाट भारतको लखिमपुर मोतीहारी केशरिया घर भएका मोटर वर्कशपका सञ्चालक ४१ वर्षीय गगनदेव पण्डित र कञ्चनपुरको शुक्लाफाँटा नगरपालिका–३ बस्ने ३८ वर्षीय मुकेश भट्ट पक्राउ परेका हुन्।

दुवैलाई रेडपाण्डाको छालासहित संघीय प्रहरी इकाई कञ्चनपुरबाट सादा पोशाकमा खटिएको टोली र वडा प्रहरी कार्यालय धनगढीको टोलीले पक्राउ गरेको हो।

पक्राउ परेका दुवैलाईआवश्यक कारबाहीका लागी डिभिजन वन कार्यालय धनगढी कैलालीमा बुझाउने  जिल्ला प्रहरी कार्यलय कैलालीका निमित्त प्रवक्ता प्रहरी निरीक्षक लोकेन्द्र सिंह गुरुले बताए ।