सुदूरपश्चिम प्रदेशमा शनिबार कोरोना भाइरसबाट मृत्यु हुनेको संख्या शून्य रहेको छ ।

पछिल्लो २४ घण्टामा ४१ जनामा कोरोना भाइरसको संक्रमण पुष्टि भएको स्वास्थ्य निर्देशनालय दिपायलले जनाएको छ । त्यस्तै ४७ जना संक्रमित निको भई घर फर्किएका छन् ।

पछिल्लो २४ घण्टामा सुदूरपश्चिम प्रदेशभरी ६ सय ६८ नमुना परीक्षण गरिएकोमा ४१ जनामा संक्रमण पुष्टि भएको हो । डडेल्धुरा अस्पतालमा ७ जना र सेती अस्पतालमा ३३ जनामा संक्रमण पुष्टि भएको स्वास्थ्य निर्देशनालय दिपायल डोटीले जनाएको छ ।