कञ्चनपुरमा वर्षा हुँदा अधिकांश क्षेत्रहरू डुबानमा परेका छन् । आइतबार बिहानदेखि परेको पानीले महेन्द्रनगर बजारका अधिकांश ठाँउहरु डुवानमा परेका छन् ।
महेन्द्रनगर बजारको सव्जीमण्डी,बसपार्क ऐठपुर लगायतका ठाँउहरु डुबानमा परेका हुन् । पानीको उचित निकास नभएका कारण यहाँ विभिन्न क्षेत्रहरू डुबानमा पर्दै आएका छन् । सामान्य वर्षाका कारण बजार क्षेत्रमा पानी जम्दा स्थानीय व्यापारी समस्यामा परेका छन् ।
यस्तै कञ्चनपुरको दोधारा चाँदनी नगरपालिका वडा नं. १० का सयौँ बिगाहा खेतीयोग्य जमिन वर्षा सँगैको बाढीले बालुवा थुपारे पछि बगरमा परिणत भएक छ ।
दोधारा चाँदनीको कुतियावकर नजिक रहेको बैतिफाँटा र सुर्खेती टोलका नजिक महाकाली नदी र जगबुडा नदीमा आएको बाढीको कारण किसानहरूको जग्गामा लगाएको धान खेती पुर्णरुपमा नष्ट भएको छ ।
यसै बिच जल तथा मौसम विज्ञान विभाग, मौसम पूर्वानुमान महाशाखाले सुदूरपश्चिमका बिभिन्न स्थानहरुमा मेघ घर्जन र चट्याङ्ग सहित हल्कादेखि मध्यम वर्षा हुने जनाएको छ । डडेल्धुराको गाइबण्डे र डोटीको चिउरी स्टेशनको वर्षा मापनकाअनुसार त्यहाँ पनि भारी वर्ष भइरहेको हो।
सम्बन्धित वर्गका समाचारहरू
