कञ्चनपुरमा लागु औषधसहित २ जना पक्राउ परेका छन्। सशस्त्र प्रहरी बल नेपाल नम्बर ३५ गण हेडक्वाटर शैलेश्वरी कञ्चनपुर मातहत खटिएको टोलीले लागुऔषधसहित २ जनालाई पक्राउ गरेको हो।

पक्राउ पर्नेमा कैलालीको धनगढी उप–महानगरपालीका २ एलएनचोक बस्ने १७ वर्षिय अविषेक बि.क. र सोहि ठाउँका १७ वर्षिय आयुष गौतम रहेको सशस्त्र प्रहरी उपरीक्षक बिरेन्द्र बहादुर ऐरले बताए।

उनीहरुको साथबाट एसपिएम–प्लस, नाइट्राभेट–१० लगायतका लागुऔषध फेला परेको उनले बताए। दुवै जनालाई आवश्यक कानुनी कार्वाहीका लागि ईलाका प्रहरी कार्यालय त्रिभुवनबस्तीमा पठाएको ऐरले बताए।