डडेल्धुरामा टिपरले ठक्कर दिँदा एक बालिका गम्भीर घाइते भएकी छन्। बुधबार साँझ जिल्लाको आलिताल गाउँपालिका–८ मा सुपप्र ०१-००१ क १४७७ नम्बरको टिपरले ठक्कर दिँदा २ वर्षीया पूर्णिमा बोहरा गम्भीर घाइते भएकी हुन्।

बालिकाको टाउकोमा गम्भीर चोट लागेको र उनलाई उपचारका लागि धनगढी पठाइएको आलिताल प्रहरी चौकी इन्चार्ज भीमराज भट्टले जानकारी दिए। उनका अनुसार चालक र टिपरलाई नियन्त्रणमा लिइएको छ। स्थानीयका अनुसार टिपर अत्यधिक गतिमा गइरहेको थियो।