नेकपा एमालेका उपाध्यक्ष भीम रावलले प्रतिनिधि सभा सदस्यबाट राजीनामा दिएका छन् । सुदूरपश्चिमको अछाम जिल्लाबाट नेकपा एमालेका सांसद पदमा प्रत्यक्ष निर्वाचित रावलले प्रतिनिधि सभा सदस्यबाट राजीनामा दिएका हुन् ।

रावलनिकट स्रोतले  भन्यो, ‘माधव नेपाल र केपी शर्मा ओलीबीचको विवाद समाधानका लागि बनाइएको कार्यदल र त्यसले जारी गरेको १० बुँदे सहमतिलाई माधव नेपालले अस्वीकार गर्नुभएको थियो । तर, त्यसविपरीत मत दिने निर्णय गरियो । एमाले पार्टीको नेता भएकाले पार्टीले गरेको संस्थागत निर्णय मान्नुपर्ने हुन्छ । त्यसैले यो अनैतिक राजनीतिक खेलमा सहभागी नहुने मनसायका साथ उहाँले राजीनामा दिनुभएको हो ।’

रावल पछिल्लो समय नेकपा एमालेको विवाद समाधान गर्न गठित कार्यदलमा नेपाल समूहबाट संयोजक थिए । पार्टी एकता कायमै राख्न उनको जोडबल थियो ।

Edit Ad