नेकपा एमालेका नेता भीम रावलले अछामी जनताले पाँच वर्षका लागि दिएको मत पूरा अवधि संरक्षण गर्न नसकेको भन्दै क्षमा मागेका छन् । आइतबार दिउँसो सांसद पदबाट राजीना दिएका रावलले अनैतिक र दुषित राजनीतिको मतियार नहुन प्रतिनिधिसभाको सदस्यबाट राजीनामा दिएको भन्दै त्यसप्रति क्षमा मागेका हुन् ।

उनले ट्विटरमा लेखेका छन्, “जनता, विशेषतः अछामी मतदाताका सामु स्वच्छ र नैतिक राजनीतिक जीवन तथा देशको सर्वोपरि हितमा समर्पित रहने बाचा अनुसार मैले अनैतिक र दुषित राजनीतिको मतियार नहुन प्रतिनिधि सभाको सदस्यबाट राजीनामा दिएको छु । अछामी जनताले ५ वर्षका लागि दिएको मत पूरा अवधि संरक्षण गर्न नसकेकोमा क्षमा चाहन्छु ।