झन्डै २ महिनादेखि घरबाटै बेपत्ता भएका पृथ्वी सार्की अझै फेला पर्न सकेका छैनन् । जिल्लाको घोडाघोडी नगरपालिका ६ बसन्ताका १८ बर्षिय युवक जेठ २१ गते घरबाटै बेपत्ता भएका थिए । ६० बर्षिय रङ्ग सार्कीका विगत ५२ दिन बेपत्ता छोरा खोजि रहेका छन् ।

उनले छोरा बेपत्ता भएको २ दिन पछि २३ जेठमा इलाका प्रहरी कार्यालय सुखडमा पनि जानकारी गराएका थिए । तर, प्रहरीले अहिले पनि युवकलाई भेटाउन सकेको छैन । ‘हामीले प्रहरीलाई पनि खबर गरेका छौँ । तर, अहिले सम्म कहाँ छ कस्तो छ कसैले केहि भनिदिएको छैन’ उनले भने, ‘हामी रात दिन  खोजिरहेका छौँ ।’

सामान्य मानसिक सन्तुलन गुमाएका युवक घरबाटै बेपत्ता भएको उनले बताए । ‘शौचालय जान्छु भन्दै घरबाट हिँडेको हो अहिले सम्म सम्पर्कमा छैन’ उनले भने । प्रहरीले पनि बेपत्ता युवकको खोजि जारी रहेको जनाएको छ ।