नेकपा एमालेका अध्यक्ष तथा पूर्व प्रधानमन्त्री केपी शर्मा ओलीले एमाले सुदूरपश्चिम प्रदेशको नेतृत्वलाई गाउँ फर्केर निर्वाचनको तयारीमा जुट्न निर्देशन दिएका छन् । आज ओली निवास बालकोटमा पुगेका एमालेका नेताहरूलाई ओलीले निर्वाचनको तयारी थाल्न निर्देशन दिएका हुन् । ‘

उहाँले गाउँ फर्केर निर्वाचनको लाग्न निर्देशन दिनुभएको छ’ भेटमा सहभागी एक नेताले भने, ‘पार्टी कामलाई पनि अघि बढाउन उहाँको निर्देशन छ ।’ प्रतिपक्ष रहेको स्थानमा सशक्त प्रतिपक्षको भूमिकामा बस्न समेत ओलीले निर्देशन दिएको उनले बताए ।

ओली भेट्न एमाले नेता लेखराज भट्ट, कर्ण थापा,नारदमुनि राना, राजेन्द्र रावल, निरु पाल, लीला भण्डारी, गौरीशङ्कर चौधरी, लाल बहादुर थापा पुरनसिंह दयाल लगायतका नेता बालकोट पुगेका थिए । नेताहरूसँग एमाले अध्यक्ष ओलीले एमालेका बरिष्ठ नेता माधव कुमार नेपालले बिचार र आस्थालाई धोका दिएको बताएका थिए ।