कैलालीमा आरडिटी पोजेटिभ देखिएका एक जना पुरुषको अवस्था चिन्ताजनक भएपछि आईसियुमा भर्ना गरिएको छ । आरडिटी पोजेटिभ देखिएपछि सेती प्रादेशिक अस्पतालको आइसोलेसन वार्डमा भर्ना भएका घोडाघोडी नगरपालिका १० का ४८ वर्षीय पुरुषको स्थिति गम्भीर वन्दै गएपछि उनलाई आईसियुमा भर्ना गरिएको हो ।

दम रोगले ग्रसित ती पुरुषमा श्वासप्रश्वासमा समस्या देखिएपछि आईसियुमा भर्ना गरेर उपचार भईरहेको अस्पतालका सूचना अधिकारी दिलिपकुमार श्रेष्ठले जानकारी दिए । उनी स्वास्थ्यमा समस्या देखिएपछि बुधबार नै सेती अस्पताल पुगेका थिए । उनको पीसीआर परीक्षणका लागि थ्रोट स्वाबको नमूना संकलन गरिएको छ ।
 

Edit Ad