कैलालीको भासु भिरमा जीप दुर्घटना भएको छ । धनगढीदेखि गईरहेको जीप दुर्घटना हुँदा दुई जनाको मृत्यु भएको छ भने तीन जना घाईते भएका छन् ।
प्रदेश ट्राफिक प्रहरी कार्यालय अत्तरियाका अनुसार उपचारका लागि अस्पताल ल्याउँदै गर्दा दुई जनाको मृत्यु भएको हो । कैलालीको चुरे गाउँपालिका– ६ की ३६ वर्षीया दुर्गा साउँद र डोटीको जोरायल गाउँपालिका–१ की ५ वर्षीया एलिसा खड्काको मृत्यु भएको छ ।
यस्तै दुर्घटनामा जोरायल–१ का जीप चालक रमेश खड्का, २८ वर्षीया निर्मला खड्का र चुरे–६ का सुशिल साउद घाइते भएका छन् ।
बुधबार कैलालीको चुरे गाउँपालिका वडा नम्बर ३ भासु भिरमा प्रदेश ३–०१ ००२३ च ९०५९ नम्बरको जीप भासु भिरमा खसेको जिल्ला प्रहरी कार्यालय कैलालीले जनाएको छ । कार्यालयका प्रवक्ता प्रहरी नायब उपरीक्षक प्रतिक बिष्टले सडकबाट जीप झण्डै तीन सय मिटर तल खसेको जानकारी दिए ।
सम्बन्धित वर्गका समाचारहरू
