बैतडीमा एक वर्षको अवधिमा १६० वटा हिंसाका घटना भएका छन्। गत आर्थिक वर्षमा महिला हिंसा सँग सम्बन्धित १६० उजुरी दर्ता भएको जिल्ला प्रहरी कार्यालय बैतडी प्रहरीका प्रवक्ता बोधराज ओझाले जानकारी दिए।

महिला हिंसाका घटनाहरु बढीजसो  मदिरा सेवनका कारण हुने गरेको ओझाले बताए। प्रहरीमा आउने उजुरीमा मात्रै नभएर स्थानीय तहमा रहेका न्यायिक समितिमा पनि मदिराकै कारणले हिंसामा परेका भन्ने उजुरीहरु आउने गरेको स्थानीय तहहरुको भनाई छ।