कञ्चनपुरमा एक पुरुष मृत फेला परेका छन्।

जिल्ला प्रहरी कार्यालय कञ्चनपुरका अनुसार नाम र ठेगाना नखुलेका अन्दाजी ३५ वर्षीय पुरुष मृत अवस्थामा भेटिएका हुन्। उनको शव भिमदत्त नगरपालिका वडा नम्बर ११ साइफोनस्थित नाङ्गो अवस्थामा भेटिएको जिल्ला प्रहरी कार्यालयका प्रहरी निरीक्षक लालबहादुर बमले बताए।

जिल्ला प्रहरी कार्यालयको अनुसन्धान टोलीले घटनास्थलमा जाँच गरेर शव परीक्षणको लागि महाकाली अस्पतालमा राखेको बमले बताए।

शवको प्रकृति वर्ण कल्साउदो, मोटो शरीर, उचाई ५.८ ईन्च, सेतो कपाल, गोलो अनुहार रहेको उनले बताए। घटनाको थप अनुसन्धान भइरहेको बमले बताए।