बाजुराका ४ वटा मुख्य नाकामा हेल्थ डेस्क स्थापना गरिएको छ।

जिल्लाका इकडी गाड, कोल्टी विमानस्थल, जुड्डी र धुलाचौर नाकामा हेल्थ डेस्क स्थापना गरिएको हो। गत बुधबार बसेको जिल्ला कोभिड १९ संकट व्यवस्थापन समितिको बैठकको निर्णयअनुसार मुख्य ४ नाकामा हेल्थ डेस्क स्थापना गरिएको प्रमुख जिल्ला अधिकारी गोपाल कुमार अधिकारीले बताए।

यस्तै जिल्लामा बिहान ६ बजेबाट साँझ ७ बजेसम्म मात्रै सवारी साधन सञ्चालन गर्न पाइने, कुनैपनि सभा, सम्मेलन, प्रतियोगिता, मेला, उत्सव आयोजना गरी भेला गर्न नपाइने, होटल व्यवसायहरु राति ८ बजेसम्म सञ्चालन गर्न पाइने बताइएको छ। विद्यालयका हकमा भने कोरोना भाइरसको संक्रमण नियन्त्रणको अवस्थामा रहेसम्म स्वास्थ्यका मापदण्ड पूर्ण रुपमा पालन गरी सञ्चालन गर्न सकिने जनाइएको छ।