रेशम चाैधरीसहित टिकापुर घटनाका सबै राजबन्दीहरुकाे रिहाइकाे माग गर्दै थारुवान थरुहट माेर्चाले आज (बुधबार) पनि काठमाडाैँमा धर्ना दिएकाे छ। थारुवान विद्रोह ६ वर्ष पुगेको भन्दै समानता, न्याय र अधिकारका लागि थारुवान थरुहट मोर्चाले मंगलबार पनि माइतीघर मण्डलामा धर्ना दिएकाे थियाे।
२०७२ साल भदाै ७ गते कैलालीकाे टिकापुरमा थरुहट आन्दाेलनका क्रममा हिंसा भड्किँदा एक नाबालक र प्रहरी वरिष्ठ उपरीक्षकसहित ९ जनाकाे मृत्यु भएकाे थियाे। उक्त घटनामा संलग्न रहेकाे आराेपमा रेशम सहितका व्यक्तिहरु जेलमा छन्। जेलमा रहेका सबैलाई स–सम्मान रिहाइकाे माग राख्दै माेर्चा धर्नामा बसेकाे हाे।
धर्नामा सहभागीहरुले ‘माननीय रेशम चौधरीलाई स–सम्मान रिहाइ गर’, झुठा मुद्धा खारेज गर, देवीराम शर्माको छानबिन आयोग प्रतिवेदन सार्वजनिक गर, टिकापुर विद्रोहका राजबन्दीहरु रिहाइ गर लगायतका नारा लेखिएका प्ले कार्ड बाेकेका छन्। धर्नामा रेशम चाैधरीकी श्रीमती रन्जिता श्रेष्ठ छाेरा सहित सहभागी भएकी छन्। धर्नामा रेशमले जेलमै बसेर लेखेकाे गीत बजाइएकाे छ।
सम्बन्धित वर्गका समाचारहरू
