बाजुरा  जिल्लाको पुर्वी उत्तरी भेगको जगन्नाथ गाउँपालिका–१ पिलुचौरमा करेन्ट लागेर एक जनाको मृत्यु भएको छ । 
मृत्यु हुनेमा सोही गाउँपालिका–१ पिलचौर बस्ने अन्दाजी ५० वर्षीय पुर्णबहादुर विष्ट रहेको जिल्ला प्रहरी कार्यालय बाजुराका प्रहरी निरिक्षक धनदेव साउँदले जानकारी दिए । 

उनले दिएको जानकारी अनुसार पिलुचौरमा रहेको बड्डीगाड जलविद्युतको पावर हाउसमा मेसिनको जम्पर बदल्ने क्रममा करेन्ट लागेर  मृत्यु भएको बताए ।  करेन्ट लागेर बेहोस् भएका विष्टलाई उपचारका क्रममा लैजादा बीच बाटोमा मृत्यु भएको प्रहरी निरिक्षक साउँदको भनाई छ । 

मृतक विष्टको पिलुचौरमा रहेको बाजुरा सामुदायिक अस्पतालमा पोष्टमार्टम गरी आफन्त कान्छा भाई नरेन्द्र विष्टले शव बुझेको  बताए । उनको हिन्दु परम्परा अनुसार आइतबार दाहसंस्कार गरिएको पारिवारिक स्रोतले जनाएको छ ।