धनगढीको दृष्टि फाउण्डेसनको भवन निर्माणमा स्थानीयले अवरोध गरेका छन् । उप–महानगरपालिकाको वडा नम्बर ४ शिवपुरीमा निर्माण हुने भवनमा स्थानीयले अवरोध गरेका हुन ।

उप–महानगरपालिकाले नै चार किल्ला प्रमाणित गरेर जमिन दिएपछि भवन निर्माणको काम थाल्दा स्थानीयले अवरोध गरेको दृष्टि फाउण्डेसनकी अध्यक्ष कल्पना भट्टले बताईन् । आफुहरु यतै वस्ने र काम गर्ने गरी आएको भए पनि स्थानीयले भने निर्माण सामाग्री सहित त्रिपाल लगायतका सामान कब्जामा लिएको उनले बताईन् ।

तर सो टोलका स्थानीयहरुले अन्य स्थानमा भवन निर्माण गरे सहयोग गर्ने भएपनि शिवपुरी सामुदायिक वन र तारानागर सामुदायिक वनको विचमा उप–महानगरपालिकाले उपलब्ध गराएको जमिनमा बनाउन नदिने अडान लिएका छन् ।