सेती प्रादेशिक अस्पतालले धनगढीमा रहेको प्रयोगशालमो कोरोना परीक्षण बढाउन थप उपकरण माग गरेको छ । पशुपक्षी तथा मत्स्य विकास केन्द्र डोटीलाई थप उपकरण पठाइदिन सेती अस्पतालले आग्रह गरेको हो ।

हाल धनगढी प्रयोगशालामा रहेको पीसीआर मेसिन मार्फत दैनिक दुई सयदेखि दुई सय २० जनाको परीक्षण भईरहेको छ । परीक्षणको दायरा बढाउनका लागि आवश्यक उपकरण प्राप्त भए दुईदेखि तीन गुणासम्म परीक्षण बढाउने योजनामा रहेको सेती अस्पतालले पशुपक्ष्ीा तथा मत्स्य विकास केन्द्र डोटीलाई लेखेको पत्रमा भनिएको छ ।

बायो सेफ्टी क्याविनेट, डिप फ्रिज लगायतका उपकरण माग गरिएको अस्पतालले जनाएको छ । भेटेनरी अस्पताल तथा पशु सेवा विज्ञ केन्द्र कञ्चनपुरबाट थप उपकरण ल्याउने तयारी भएको छ ।