सेती प्रादेशिक अस्पतालमा उपचाररत २ जना कोरोना संक्रमितको मृत्यु भएको छ । पछिल्लो २४ घण्टामा मृत्यु हुनेमा एक जना बैतडी र एक जना अछामका रहेका छन ।

अस्पतालका सूचना अधिकारी दिलिप कुमार श्रेष्ठका अनुसार आईसियुमा उपचाररत बैतडीको दशरथचन्द नगरपालिका(८ का ३१ बर्षिय पुरुषको बुधबार बिहान मृत्यु भएको हो ।

त्यस्तै आईसियुमै उपचाररत अछामको साफेबगर नगरपालिका – ५ का ५१ बर्षीय पुरुषको मंगलबार राती मृत्यु भएको थियो । हाल अस्पतालमा ११ जना कोरोना संक्रमित उपचाररत रहेका छन । ति मध्ये २ जनाको आईसियु र २ जनाको भेन्टिलेटरमा उपचार भईरहेको छ ।

यसैबिच सेतीमा २८ कोरोना संक्रमित थपिएका छन । पछिल्लो २४ घण्टामा १ सय ५८ नमूनाको कोरोना परिक्षण गरिएकोमा २८ संक्रमित थपिएका हुन ।