कैलालीमा आजदेखि निषेधाज्ञा खुलेको छ । जिल्ला कोभिड–१९ संकट व्यवस्थापन केन्द्रले गरेको निर्णय अनुसार आज देखी कैलालीमा निषेधाज्ञा खुलेको हो ।

कोरोनाको संक्रमणदर घटेसंगै आज देखी निषेधाज्ञा खुलेको हो । कैलालीमा बैशाख १६ गतेदेखी गरिएको निषेधाज्ञा आजदेखी पुर्णरुपमा खुला भएको जिल्ला प्रशासन कार्यलय कैलालीले जनाएको छ । कैलालीमा जारी निषेधाज्ञा पुर्णरुपमा ५ महिनापछी खुलेको हो ।

कैलालीमा भोलीदेखि विद्यालय सञ्चालनमा आउने

कैलालीमा भोलीदेखि विद्यालय सुचारु हुने भएका छन् । सरकारले प्रमुख जिल्ला अधिकारी नेतृत्वको जिल्लास्तरीय कोभिड-१९ संकट व्यवस्थापन केन्द्रको समन्वयमा विद्यालय खोल्न सकिने निर्णय गरेसँगै कैलालीमा पनि भोलीदेखि विद्यालय सुचारु हुने भएका हुन् ।

जिल्ला प्रशासान कार्यालय कैलालीको बिहीबार बसेको बैठकमा भोलीदेखि असोज १ गते सम्म विद्यालय खुल्ने सहमती भईसकेको जनाएको छ । यदपि छलफल भने जारी रहेको छ । असोज १ गतेदेखि अवस्था हेरेर अर्को छलफल गरी निर्णय गरिने आजको बैठकमा छलफल भएको छ ।

यस अघि यहाँका स्थानीय तहका जनप्रतिनिधी र सरोकारवाला निकायले शैक्षिक संस्था सुचारु गर्न प्रमुख जिल्ला अधिकारीको ध्यानाकर्षण गराउँदै आएका थिए ।