निको नभइकन डडेल्धुराका पाँच कोरोना संक्रमितलाई घर पठाइएको छ । १४ सम्म कोरोनाको कुनै लक्षण नदेखिएपछि स्वास्थ्य मन्त्रालयको निर्देशिका अनुसार उनीहलाई अस्पतालबाट डिस्चार्ज गरिएको छ ।

शनिबार गन्यापधुरा गाउँपालिका १ का ३८ वर्षीय पुरुष र १७ वर्षीय युवक, सोही गाउँपालिका २ का १९ वर्षीय युवक २५ र ५७ वर्षीय पुरुषलाई होम क्वारेन्टाइनमा बस्ने गरी घर पठाइएको स्वास्थ्य कार्यालयका भेक्टरकन्ट्रोलर सुपरभाइजर तथा कोभिड–१९ डडेल्धुराका सम्पर्क व्यक्ती हरिप्रसाद भट्टले जानकारी दिए ।

उनीहरुलाई डडेल्धुरा सदरमुकाम स्थित अपि अस्पतालमा राखिएको थियो । जेठ ९ र १० गते भारतका विभिन्न शहरबाट आएका उनीहरुलाई सुरुमा कोरोना पोजेटिभ देखिएको थियो ।

शनिबार पाँच जना डिस्चार्ज भएसँगै डडेल्धुरामा अस्पतालबाट डिस्चार्ज हुनेको संख्या ६ पुगेको छ ।