परिवर्तित राजनैतिक अवस्था र सुदूर पश्चिममा पाँच दलीय गठनबन्धनलाई मजबुत बनाउने सम्बन्धमा नेपाली काँग्रेस संसदीय दलका नेता रण बहादुर रावल र मुख्यमन्त्री त्रिलोचन भट्टबीच  छलफल भएको छ ।  सुदूर पश्चिम प्रदेश सरकारको नेतृत्व काँग्रेसले गर्ने चर्चा भईरहेका बेला सत्तारुढ दलहरुले काँग्रेसलाई बाहिरै राखेर अघि बढ्ने संकेत पाएपछि मुख्यमन्त्री भट्टको धारणा बुझ्न नेपाली काँग्रेस संसदीय दलका नेता रावलले भेट गरेका हुन् ।

भेटघाटका क्रममा परिवर्तित राजनैतिक अवस्था र सुदूर पश्चिममा पाँच दलीय गठनबन्धनलाई बलियो बनाउने सम्बन्धमा छलफल भएको रावलले बताए । सरकारलाई प्रभावकारी रुपमा सञ्चालन गर्नेदेखि केन्द्रमा पाँच दलबीच जारी गठनबन्ध र सहकार्यलाई सुदूरपश्चिममा पनि बलियो बनाउने सम्बन्धमा छलफल केन्द्रित थियो, रावलले भने, काँग्रेसलाई सत्तारुढ दलहरुका नेताका तर्फबाट आईरहेका अभिव्यक्तिमाथि भट्टको धारणा स्पष्ट पार्न समेत हामीले आग्रह गर्यौ ।

मुख्यमन्त्री भट्टले आफु केन्द्रीय नेतृत्वको निर्देशन अनुसार चल्ने र केन्द्रमा रहेको पाँच दलीय गठबन्धनलाई आफूले कमजोर हुने कार्य नगर्ने प्रतिबद्धता गरेको बताईएको छ ।