धनगढीको सेती प्रादेशिक अस्पतालमा उपचाररत थप एकजना कोरोना संक्रमितको ज्यान गएको छ।

कञ्चनपुरको लालझाडी गाउँपालिका–४ की ५८ वर्षीया महिलाको मृत्यु भएको अस्पतालका सूचना अधिकारी दिलिप कुमार श्रेष्ठले जानकारी दिए।

यस्तै पछिल्लो २४ घण्टामा ५२ नमूना परीक्षण गर्दा १० जनामा कोरोना संक्रमण पुष्टि भएको छ। हाल अस्पतालमा १२ जना कोरोना संक्रमितको उपचार भइरहेको छ।

जसमध्ये ५ जनाको आइसियूमा उपचार भइरहेको छ भने २ जनाको भेन्टिलेटरमा उपचार भइरहेको अस्पतालले जनाएकोे छ।