धनगढीबाट १३ बर्षीय बालक वेपत्ता भएका छन्। धनगढी उपमहानगरपालिका ४ शिबनगर बस्दै आएका मान बहादुर थापाका १३ बर्षीय छोरा अविशेक थापा मंगलबार दिउँसो देखि वेपत्ता भएका हुन्।

शिवनगरमै रहेको स्टोन ब्रीज स्कुलमा कक्षा ७ मा अध्ययनरत थापा मंगलबार  दिउँसोबाट वेपत्ता भएको उनका बुवा मान बहादुर थापाले बताए ।  मंगलबार बाटै खोज्न सुरु गरेको भए पनि अहिले सम्म कतै फेला पर्न नसकेको उनले बताए ।

उनले आफन्तहरुलाई सम्पर्क गर्दा पनि अविशेकको पत्ता नलागेको बताए। जिल्ला प्रहरी कार्यालय कैलालीलाई पनि खोजीका लागि खवर भईसकेको उनले बताए।

यता जिल्ला प्रहरी कार्यालय कैलालीले वेपत्ता भएको जानकरी पाएलगत्तै उनको खोजी कार्य जारी रहेको जनाएको छ। यदी कसैले अविशेकलाई देखेमा ९८६८८१०५१७ मा सम्पर्क गरिदिन उनका परिवारले आग्रह गरेका छन् ।