कैलालीमा एक होटल सञ्चालकको शव भेटिएको थियो। आइतबार मोहन्याल गाउँपालिका–४ सिमली खोलाको जंगलमा घोडाघोडी नगरपालिका–४ जनकपुर घर भएका अन्दाजी ५५ वर्षीय पदम आचार्य मृत अवस्थामा फेला परेका थिए। 

आचार्य मृत भेटिएको स्थानमा करिब २ मिटर जति घिसारिएको निशान रहेको स्थानीयले बताएका छन्। यस्तै घटनास्थलमा एउटा रड पनि फेला परेको थियो। शवको टाउको र छातीमा चोट लागेकोले आचार्यको हत्या भएको आशंका गरिएको छ।  

प्रहरीले सोधपुछका लागि एक जनालाई पक्राउ गरेको छ।  इलाका प्रहरी कार्यालयका प्रमुख तथा प्रहरी नायव उपरीक्षक सागर बोहराले आचार्यको हत्यामा संलग्न रहेको आशंकामा एक जनालाई पक्राउ गरिएको जानकारी दिए।

उक्त घटनामा अरुको पनि संग्लनता रहेको भन्दै पक्राउ परेका ती व्यक्तिलाई सार्वजनिक नगरेको उनले बताए।  पदम आचार्य विगत केही वर्षदेखी त्यहाँ होटेल सञ्चालन गर्दै आएका थिए।