सुदूरपश्चिम प्रदेशमा शुक्रबार थप १८ जनामा कोरोना भाइरस सङ्क्रमणको पुष्टि भएको छ । गएको २४ घण्टामा प्रदेशभर पीसीआर र एन्टीजेन बिधिबाट एक हजार २४ जनाको नमूना परीक्षण गर्दा १८ जनामा सङ्क्रमण पुष्टि भएको स्वास्थ्य निर्देशनालयले जनाएको छ ।

आरटी पीसीआर १३ र एन्टीजेन बिधिमार्फत पाँच जनामा सङ्क्रमण देखिएको हो । पीसीआर बिधिमार्फत सेती प्रादेशिक अस्पतालमा १२ र महाकाली अस्पतालमा एक जनामा सङ्क्रमण देखिएको हो । यस्तै एन्टीजेन बिधि मार्फत कैलालीका तीन र कञ्चनपुरका दुई जनामा सङ्क्रमण पुष्टि भएको छ ।

यस्तै गएको २४ घण्टामा प्रदेशभर नौ जनाले कोरोना जितेका छन् । उक्त अवधिमा यस प्रदेशमा सङ्क्रमणका कारण एक जनाको पनि मृत्यु भएको छैन ।