अछामको एक क्वारेन्टाईन भित्र जाँड फेला परेको छ । जिल्लाको चौरपाटी गाउँपालिकाको जनता आधारभूत विद्यालयमा जाँड फेला परेको हो । 

गाउँपालिकाको वडा नम्बर १ स्थित जनता आधारभूत विद्यालयमा जाँड भटिएको वडा नम्बर १ का वडा अध्यक्ष सालिभान साउदले जानकारी दिए । क्वारेन्टाईनमा बस्ने नागरिकहरुका लागि खाना पकाउन राखेका २ जनाले जाँड बनाएको खुलेको हो ।

खाना पकाउने र सुरक्षामा खटिएका २ जनाजना गरी चार जनालाई सिउडी प्रहरीले नियन्त्रणमा लिएको बताएको छ । उनीहरुले खाना पकाउने भाडो (ताउलो) र जर्किनमा गरी लगभग ५० लिटर जाँड पनि प्रहरीले नियन्त्रणमा लिएको छ ।

प्रक्राउ परेका उनीहरु माथि अनुसन्धान भईरहेको प्रहरीले जनाएको छ । अहिले जनता आधारभूत विद्यालयमा भारतबाट फर्किएका ५८ जना बसिरहेका छन ।

Edit Ad