धनगढीदेखि चितवनको टिकट काटेर अत्तरियामा यात्रुलाई अलपत्र छाडिएको छ। धनगढीदेखि चितवनसम्मको टिकट काटेर ८ यात्रुलाई अत्तरियामै अलपत्र छाडेको यात्रुहरुले आरोप लगाएका छन्।

खप्तड यातायात प्रालिको ना ८ ख ४३०६ नम्बरको बसले यात्रुलाई अलपत्र छाडेको बताइएको छ। तर, यातायात प्रालीले भने बस चालकले मदिरा सेवन गरेका कारण जान नमानेको र यात्रुहरुलाई अर्को व्यवस्था गर्ने वा टिकट रकम फिर्ता दिने बताएको प्रदेश ट्राफिक प्रहरी कार्यालय अत्तरियाले जनाएको छ। बस र बस चालक रोशन नेपाली अहिले मालाखेती प्रहरीको नियन्त्रणमा रहेका छन्।