कैलालीको लम्कीचुहामा ट्रकमा आगजनी गर्ने एक जना पक्राउ परेका छन्। पक्राउ पर्नेमा लम्कीचुहा नगरपालिका १ का मानबहादुर थापा रहेको जिल्ला प्रहरी कार्यालय कैलालीले जनाएको छ।

यही मंसिर ९ गते पूर्वपश्चिम राजमार्गअन्तर्गत लम्की बजारमा ना २ ख ९३७० नम्बरको ट्रकको ठक्करबाट टीकापुर नगरपालिका २ की ४० वर्षीया गोमा थापाको घटनास्थलमै मृत्यु भएको थियो। थापाको मृत्यु भएपछि आन्दोलित केही स्थानीयले सोही ट्रकमा आगजनी गरेका थिए।

सोही मध्ये मुख्य २ जनाको पहिचान भएको जिल्ला प्रहरी कार्यालय कैलालीका प्रवक्ता प्रहरी नायब उपरीक्षक वेदप्रकाश जोशीले बताए। ‘एक जना पक्राउ परिसके अर्कोको खोजी कार्य भइरहेको छ’ उनले भने।