कैलालीमा गुडिरहेको ट्रकमा आगो लागेको छ। दाङबाट सिमेन्ट बोकेर धनगढी आउँदै गरेको सुदूरपश्चिम प्रदेश ०२–००१– ख ११५९ नम्बरको ट्रकमा बिहान आगो सल्किएको हो।

ट्रकको पछाडिको टायरबाट आगो सल्किएको थियो। ट्रकका पछाडिका दुवै टायरमा क्षति पुगेको छ। अन्य कुनै क्षति भने भएको छैन। इलाका प्रहरी मालाखेतीका अनुसार चिया खानका लागि बिच बाटोमा रोकेका बेला कुनै समस्या नभएपनि अत्तरिया पुग्दै गर्दा गन्ध आउन थालेपछि रोक्ने बेला टायरमा एक्कासी आगलागी भएको हो।

स्थानीयहरुले पानी हालेर आगो नियन्त्रणमा लिने प्रयास गरेका थिए। पछि गोदावरी नगरपालिकाको दमकलले आगो निभाएको थियो।