बीभत्स ढंगले हत्या गरिएका कैलालीको जानकी गाउँपालिका–९ का २५ वर्षीय युवक अर्जुन दासको शव परिवारले उठाएका छन् । शव भेटिएको तीन दिनपछि दासका परिवारले घटना स्थलबाट शव उठाएका हुन् ।

दासको शव घटना स्थलबाट उठाएर शव परीक्षणका लागि टिकापुर अस्पताल लगिएको जिल्ला प्रहरी कार्यालय कैलालीका डिएसपी वेदप्रकाश जोशीले बताए । ‘अब अनुसन्धानमा सहजता हुन्छ,’ उनले भने, ‘शव परीक्षणको रिर्पोटले अनुसन्धान थप मदत पुग्नेछ ।’

दासका परिवारले हत्यारालाई कारबाही र पीडित परिवारलाई क्षतिपूर्तिको माग गरेका छन् । शनिवार जानकी गाउँपालिका–९ को अमरावती सामुदायिक वनमा दासको बीभत्स तरिकाले हत्या गरिएको अवस्थामा शव भेटिएको थियो ।