कैलालीको धनगढीमा दुई समूहबीच ग्याङ फाइट भएको छ। धनगढी उपमहानगरपालिकाको पार्कमोडमा दुई समूहबीच कुटाकुट भएको हो।

धनगढी मुख्य बजारमा रहेको त्रिनगर माविका विद्यार्थी र एउटा अर्को पक्षबीच कुटाकुट भएको स्थानीयले बताएका छन्।  

जिल्ला प्रहरी कार्यालयका अनुसार त्यहाँ अहिले प्रहरी टोली पठाइएको छ। झडपको कारण भने खुल्न नसकेको जिल्ला प्रहरी कार्यालय कैलालीका प्रहरी नायब उपरीक्षक वेदप्रकाश जोशीले जानकारी दिए।