रेडिकल एकेडेमीको छैठौं वार्षिकोत्सव एक कार्यक्रमका बिच सम्पन्न भएको छ । कार्यक्रममा रेडिकल एकेडेमीका विभिन्न शैक्षिक कार्यक्रममा उत्कृष्ट विद्यार्थीहरुलाई पुरस्कृत गरिनुका साथै विभिन्न सांगीतिक कार्यक्रमहरु प्रस्तुत गरिएको थियो ।

विद्यार्थीहरुले आफूले डिजाइन गरेका पहिरनमा र्याम्प वाक पनि गरेका थिए । धनगढी नगरपालिका कम्प्लेक्समा रहेको रेडिकल एकेडेमीले होटलमा म्यमानेजमेन्ट, फेसन डिजाइनर र मन्टेश्वरी शिक्षक प्रशिक्षणका साथै विभिन्न तहका ट्युसन कक्षा र प्रवेश परीक्षा तयारी कक्षा संचालन गर्ने गरेको छ ।

धनगढीको निर्माण व्यवसायी सङ्घको सभाहलमा आयोजित कार्यक्रममा प्रमुख अतिथि पूर्व मन्त्री तथा प्रतिनिधि सभा सदस्य नारदमुनिले बेरोजगारी समस्या समाधान गर्न प्राविधिक शिक्षाको ठूलो महत्व भएको हुँदा यसतर्फ सबैले ध्यान दिनुपर्ने कुरा बताए ।