मदिरा व्यवसायी संघ कैलालीको तेस्रो साधारण सभा सम्पन्न भएको छ । संघका कैलाली जिल्ला अध्यक्ष पुष्कर भाटको अध्यक्षतामा भएको साधारण सभाका प्रमुख अतिथि मदिरा व्यवसायी महासंघका केन्द्रिय अध्यक्ष सोनाम शेर्पा रहेका थिए ।
कार्यक्रममा विशिष्ठ अतिथीको रुपमा कैलाली उद्योग वाणिज्य संघका अध्यक्ष पुष्पराज कुँवर, होटेल व्यवसायी संघका अध्यक्ष कलम बम, मदिरा व्यवसायी संघ वागमति प्रदेश अध्यक्ष मदन गौतम रहेका थिए । कार्यक्रममा व्यवसायीहरुका साथै विभिन्न मदिरा उत्पादक कम्पनीका म्यानेजर तथा प्रतिनिधीहरुको सहभागीता रहेको थियो ।
कार्यक्रममा विभिन्न व्यक्ती तथा संस्थालाई सम्मान तथा आर्थिक सहयोग गरिएको छ । २०५२ सालदेखि मदिराको व्यवसाय गर्दै आएका अत्तरियाको अरुण ईन्टरप्राईजेजका सञ्चालक कपिलदेव शाहलाई सम्मान गरिएको छ ।
यस्तै महाप्रस्थान यानका सञ्चालकलाई एक महिनाको तलब बापत १५ हजार, दृष्टि फाउण्डेसनलाई १५ हजार र आगलागीबाट पिडित बनेका धनगढीका एक जना व्यवसायीलाई कैलाली उद्योग वाणिज्य संघ मार्फत १५ हजार सहयोग गरिएको छ ।
सम्बन्धित वर्गका समाचारहरू
