कैलालीको अत्तरियामा पसलको सटर फोडेर चोरी गरिरहेका दुई जना पक्राउ परेका छन्। प्रहरीका अनुसार पक्राउ पर्नेमा जिल्लाको गोदावरी नगरपालिका-८ स्याउलेका राजेश विष्ट र कञ्चनपुरको दैजी घर भएका मन्नु लुहार रहेका छन्।

उनीहरुलाई मंगलबार राति अत्तरिया बजारको चौधरी गल्लीभित्र रहेको एक किराना पसलको सटर फोडेर चोरी गरिरहेको अवस्थामा पक्राउ गरेको प्रहरीले बताएको छ।

उनीहरुलाई बालप्रशाद घिमिरेको किराना पसलको सटर फोड्ने क्रममा राति १२ बजे नियन्त्रणमा लिइएको बताइएको छ। उनीहरुको साथबाट नगद र केही जिन्सी सामानहरु पनि बरामद गरिएको ईलाका प्रहरी कार्यालय मालाखेतीले जनाएको छ ।