कैलालीको गौरीगंगा नगरपालिका–९ का गरिब तथा जेहेन्दार विद्यार्थीलाई विद्यालय सामाग्री प्रदान गरिएको छ ।

बनखेत गाउँमा रहेको जनचेतना आधारभूत विद्यालयमा अध्ययनरत गरिब, विपन्न जेहन्दार विद्यार्थीलाई शैक्षिक सामाग्री प्रदान गरिएको हो । ग्लोबल एक्सन नेपाल र छोरी शिक्षाको लागि राष्ट्रिय अभियानको सहयोगमा सक्षम छोरी अभियानको सहकार्यमा उनीहरुलाई झोला, कपी, पेन, ज्यामिति बक्स प्रदान गरिएको छ ।  

छोरी शिक्षाको लागि राष्ट्रिय अभियानका प्रदेश संयोजक तारा ओझाले संस्थातर्फबाट १५ जना विद्यार्थीलाई शैक्षिक सामग्री वितरण गरेका थिए ।  कार्यक्रममा वडा नं ९ का अध्यक्ष हरीप्रसाद तिवारीले बालबालिकामाथि हुने हिंसालाई अन्त्य गरी उनीहरुको सुरक्षित भविष्यको लागि सबैले हातेमालो गर्न आवश्यक रहेको बताए ।