निर्माण व्यवसायीहरुको छाता संस्था नेपाल निर्माण व्यवसायी महासंघको प्रदेश उपाध्यक्षमा निर्वाचित प्रकाश बहादुर सेठीलाइ निर्माण ब्यबसायी संघ कैलालीले भब्य स्वागत गरेको छ । निर्वाचित भएपछि पहिलोपटक धनगढी पुगेका उपाध्यक्ष सेठीलाई धनगढी बिमानस्थलदेखी निर्माण ब्यबसायी संघको कार्यालयसम्म र्यालीसहित स्वागत गरेका थिए ।
स्वागत र्याली पछि उपाध्यक्ष सेठीले आफुलाई यहिको माटोले यहाँसम्म पुर्याएको भन्दै माटोलाई ढोगेका थिए । उनले आफुले समग्र निर्माण ब्यबसायीहरुको हितका लागि काम गर्ने भन्दै नेपाल सरकारलाई निर्माण ब्यबसायीका समस्याका बारेमा झकझक्याई रहने बताए ।
भर्खरै काठमाडौमा सम्पन्नम महासंघको महासंघको २३ औं साधारण सभाबाट अध्यक्षमा रविराज सिंह, वरिष्ठ उपाध्यक्षमा एडी लामा, प्रदेश उपाध्यक्षहरुमा प्रदेश १ मा मोहनप्रकाश अधिकारी, मधेश प्रदेशमा शम्भु ठाकुर, बागमती प्रदेशमा बालकृष्ण थापा, गण्डकी प्रदेशमा खिमप्रकाश मल्ल, लुम्बिनी प्रदेशमा टोपबहादुर रायमाझी, कर्णाली प्रदेशमा रत्नबहादुर खड्का र सुदुरपश्चिम प्रदेशमा प्रकाश बहादुर सेठी विजयी भएका थिए ।
त्यस्तै महासचिवमा रोशन दाहाल, उपमहासचिव (नीतिगत) मा शिवहरि घिमिरे, उपमहासचिव (आन्तरिक) मा नरहरि थपलिया, कोषाध्यक्षमा हिरणकुमार श्रेष्ठ र सहकोषाध्यक्ष सन्तोष शाह विजयी भएका थिए । यसैगरी सुदुरपश्चिमबाट केन्द्रिय सदस्यमा दिनेश बहादुर सिंह, चन्द्र शेखर मल्ल, भुगोलतर्फ किशोर ठकुराठी र महिला सदस्यमा यमुना भट्ट बिजयी भएका थिए ।
सम्बन्धित वर्गका समाचारहरू
