आज नेपालको तराई भेगमा फागु पूर्णिमा अर्थात् होली पर्व मनाइँदैछ। कोरोना भाइरसका कारण दुई वर्षदेखि विभिन्न प्रतिबन्धबीच मनाइएको होली यसपालि धुमधामका साथ मनाइँदैछ।

होलीको रौनक सुदूरपश्चिमको अस्थायी राजधानी धनगढीमा पनि देखिएको छ। धनगढीको पार्कमोडमा  रक स्टार मिडियाले ‘होली हङ्गामा’ कार्यक्रमको समेत आयोजना गरेको छ । सो होली हङ्गा कार्यक्रममा होली मनाउनेको  भिड लागेको छ ।

बालबालिका , किशोर –किशोरी  एकैसाथ उल्लासमयका साथ होली मनाइरहेका छन् ।   मध्यान्हसम्ममा धनगढी पार्क रङसँगै खेल्नेहरूको भीडले भरिभराउ भएको थियो ।

यस्तै धनगढीका चोक चोक र गल्ली गल्लीमा सङ्गीत बजॉउदै नाच्ने,एक अर्कामा रङ दलेर शुभकामना आदान प्रदान गर्ने अनि लुकेर लोला हान्नेहरूको विभिन्न समूहमा विभाजित भएर नाच्न र गाउन पनि व्यस्त देखिएका छन् ।