कैलाली अत्तरिया बजारमा रहेको सिद्धार्थ बैंकको एटीएममा लात हान्ने विद्युतका २ कर्मचारी पक्राउ परेका छन ।

नेपाल विद्युत प्राधिकरण सुदूरपश्चिम प्रादेशिक कार्यालय अत्तरियामा कार्यरत सिविल इन्जिनियर सिद्धसिंह साउद र प्राधिकरणमा कार्यरत सवारी चालक भानसिंह कठायत पक्राउ परेका हुन ।

उनीहरुले शुक्रबार पैसा निकाल्न खोज्दा पैसा ननिस्केपछि लात हानेको इलाका प्रहरी कार्यालय मालाखेतीले जनाएको छ । मदिरा सेवन गरेका दुवैजनाले पैसा ननिस्किएपछि एटीएममा लात हानेको स्वीकारेको प्रहरीले जनाएको छ । दुवै जना अहिले इलाका प्रहरी कार्यालय मालाखेतीको हिरासतमा रहेका छन ।

ईलाका प्रहरी कार्यालय मालाखेतीका प्रहरी नायब उपरिक्षक डिएसपि नवराज पोखरेलले इन्जिनियर साउदले एटिएममा लात हानेपछि बैंकले प्रहरीलाई खबर गरेको बताए ।