कञ्चनपुरमा म्यादी प्रहरी भर्नाका लागि झण्डै ६ हजार जनाले आवेदन दिएका छन्। १४ सय ६९ जना म्यादी प्रहरी माग गरिएको कञ्चनपुरमा ५ हजार ९ सय ३५ जनाले आवदेन दिएको कञ्चनपुर प्रहरीले जनाएको हो। सरकारले म्यादी प्रहरी भर्ना गर्न चैत ६ गतेदेखि ११ गतेसम्म दरखास्त दिने समय तोकेको थियो।

जिल्ला प्रहरी कार्यालय कैलालीका प्रवक्ता प्रहरी नायव उपरीक्षक चक्र शाहका अनुसार एक हजार ४ सय ६९ म्यादी प्रहरीका लागि ५ हजार ९ सय ३५ जनाले आवदेन दिएका हुन्। म्यादी प्रहरीको आवेदन दिनेमा आर्थिक अवस्था कमजोर भएका तथा उच्च शिक्षा पास गरेका युवायुवतीहरुको संख्या बढी रहेको पाइएको छ। आगामी वैशाख ३० गते हुने स्थानीय तहको निर्वाचनमा सरकारले देशभर नै म्यादी प्रहरी भर्ना गरेको छ। म्यादी प्रहरीका लागि देशभरबाट २ लाख ८० हजार ४९५ जनाले आवेदन फारम भरेका छन्।