अछाममा माटो खन्ने क्रममा पुरिएर एक महिलाको मृत्यु भएको छ।

मंगलसेन नगरपालिका- ७ जैशीगाउँकी २६ वर्षीया धनसरा जैशीको मृत्यु भएको प्रहरीले जनाएको छ।

घर लिपपोत गर्न माटो खन्ने क्रममा खाडलमा पुरिएर उनको मृत्यु भएको स्थानीयले जानकारी दिए।

त्यस्तै जाल्पादेवी सामुदायिक वन क्षेत्रमा पर्ने उक्त ठाउँमा सोही गाउँकी १४ वर्षीया चन्द्रा जैशी गम्भीर घाइते भएकी छन्।

माटो खन्ने क्रममा च्यापिएर घाइते भएकी उनको जिल्ला अस्पताल मंगलसेनमा उपचार भइरहेको छ।