कैलालीमा मोटरसाइकलको ठक्करबाट एक बालक घाइते भएका छन्।

प्रहरीका अनुसार शनिबार जिल्लाको गौरीगंगा नगरपालिका-४ राजीपुरमा सुपप्र ०१ ००९ प ७५२० नम्बरको मोटरसाइकलले सोही ठाउँका ३ वर्षीय विवेक सापकोटालाई ठक्कर दिएको हो।

मोटरसाइकलको ठक्करबाट घाइते भएका उनको धनगढीस्थित माया मेट्रो अस्पतालमा उपचार भइरहेको प्रदेश ट्राफिक प्रहरी कार्यालय अत्तरियाले जनाएको छ।

चालक गौरीगंगा- ५ का २४ वर्षीय सिदन रावललाई मोटरसाइकलसहित नियन्त्रणमा लिई अनुसन्धान भइरहेको प्रहरीले बताएको छ।