कैलालीमा घोडाघोडी मन्दिरको घण्टी चोरेर बेच्ने खोज्ने दुई जना पक्राउ परेका छन् । पक्राउ पर्नेमा घोडाघोडी नगरपालिका १ का ५२ वर्षीय फुलराम चौधरी र वडा नम्बर ३ का ३८ वर्षीय नारायण दास चौधरी पक्राउ परेका हुन । इलाका प्रहरी कार्यालय सुखडले उनिहरुको साथ बाट १ क्विन्टल ६० किलो पुराना घण्टी बरामद गरेको छ ।

विशेष सूचनाको आधारमा साडेपानीको एक भाडा पसलमा घण्टी बिक्री हुदैछ भन्ने थाहा पाए पछि उनीहरूलाई पक्राउ गरेको सुखडका प्रहरी नायब उपरीक्षक लक्ष्मण बहादुर शाहीले बताए । घोडाघोडी मन्दिरबाट चोरेर बिक्रीका लागि ल्याइएका उक्त परिणामको घण्टी बरामद गरेको बताईएको छ ।

घोडाघोडी मन्दिरमा भक्तजनहरुले चढाएका घण्टी चोर बेच्ने खोज्ने सन्तसनातन समाजका अध्यक्ष फुलराम चौधरी र सदस्य नारायण दास चौधरी रहेको बुझिएको छ । पक्राउ परेका माथी प्रारम्भिक अनुसन्धान चलिरहेको इलाका प्रहरी कार्यालय सुखडका प्रहरी नायब उपरीक्षक लक्ष्मण बहादुर शाहीले बताए ।