सुदूरपश्चिम प्रदेशका मुख्यमन्त्री त्रिलोचन भट्टले नयाँ व्यवस्था संस्थागत गर्न सञ्चार माध्यमको भूमिका महत्त्वपूर्ण भएको बताएका छन् ।  शुक्रवार रातोपाटी अनलाईनको प्रदेश कार्यालय धनगढीको उद्धघाटन गर्दै  उनले  प्रदेशका समाचारलाई प्राथमिकता दिएर प्रकाशन गर्नुपर्ने धारण राखेका हुन्।

जिल्ला तथा प्रदेशका समाचारलाई राष्ट्रिय मिडियाले कम प्राथमिकता दिने गरेको भन्दै मुख्यमन्त्री भट्टले फिल्ड रिपोर्टिङमा ध्यान दिनुपर्ने र दूरदराजका समाचारले परिवर्तन ल्याउन महत्त्वपूर्ण भूमिका खेल्न सक्ने बताए। भट्टले सकारात्मक कुराले परिवर्तन ल्याउन सक्ने भएकाले समाचारको विषयमा ध्यान दिनुपर्ने बताए। उनले ब्रेकिङ्ग समाचारको नाममा सही कुराभन्दा नराम्रो कुरा अगाडि आउने गरेको बताए।

सरकारको गरेको कामहरूलाई पनि प्राथमिकता दिनुपर्ने मुख्यमन्त्री भट्टले बताए। उनले समाजका विकृति बढेको र यस्ता समस्या उजागर गर्नुपर्ने जरुरी रहेको बताए।