धनगढीमा एक जना मृत अवस्थामा फेला परेका छन्। धनगढी उपमहानगरपालिका ५ जाली चोकस्थित गोलघ रनजिक एक पुरुष मृत अवस्थामा फेला परेका जिल्ला प्रहरी कार्यालय कैलालीले जनाएको छ। 

धनगढी उपमहानगरपालिका वडा नम्बर २ सन्तोषी टोलका ३० वर्षीय मनोज जोशी बिहीबार बिहान ६ बजेको समयमा मृत फेला परेका कार्यालयका प्रवक्ता प्रहरी नायब उपरीक्षक वेदप्रकाश जोशीले बताए।

उनका अनुसार जोशीले लागूऔषध सेवन गरेको देखिएको छ। शंकास्पद भने केही नरहेको बताइएको छ। शव पोष्टमार्टमका लागि सेती प्रादेशिक अस्पतालमा लगिएको जनाइएको छ। घटना सम्बन्धी अनुसन्धान भइरहेको प्रवक्ता जोशीले बताए।