धनगढीमा नेकपा ९एकीकृत समाजवादीले मेयर र उपमेयरमा पनि उठाउने जनाएको छ। शुक्रबार एकीकृत समाजवादीको उपमहानगर कमिटीले आयोजना गरेको वडाध्यक्ष तथा सदस्यहरुलाई अभिमुखिकरण कार्यक्रममा यस्तो निर्णय गरिएको हो। 

समाजवादीको नगर कमिटीले धनगढीमा गठबन्धनको औचित्य अनुरुपको व्यवहार नभएकाले आरोप लगाएको छ। अभिमुखिकरण कार्यक्रमबाट धनगढीको मेयर र उपमेयरमा पनि आफूहरुले उम्मेदवारी दिन पाउन भन्दै माथिल्लो कमिटीलाई अनुरोध गर्ने निर्णय गरिएको नगर कमिटि अध्यक्ष मदनराज रेग्मीले बताए। उपमहानगरको मेयर र उपमेयरका लागि यसअघि नै आकांक्षीहरु सिफारिस गरिसकेको उनले बताए।

केन्द्रीय गठबन्धनले धनगढीको मेयर कांग्रेस र उपमेयर माओवादीको भागमा पारेपछि समाजवादी भने रुष्ट बनेको छ।